Day4 in Hong Kong

到左旅程既最後一日，好唔捨得香港既美食同夜景，真係畢生難忘。黎到最後一日我同同伴都決定離開所有商舖離開繁盛既市中心，去山上睇風景拜姻緣石，當然要介紹一下啦。姻緣石屹立係肇輝臺附近既一段寶雲道既山坡上面，佢既形狀好似一枝斜插左係石座上面既石筆。相傳呢座外型獨特既姻緣石，成功為眾多既善男信女締結美滿既姻緣。

祈求天賜良緣既男女，每逢農曆初６、１６同２６都會黎到姻緣石，焚燒香燭，誠心參拜。另外，相傳善信如果用繩將酒瓶掛係姻緣石旁邊既一棵樹上面，所祈求既願望就會實現。係果度有好多海外遊客，千里迢迢慕名而來觀賞姻緣石。佢們係參拜之餘，又可俯瞰山下面既美景。灣仔全區、跑馬地馬場、中環廣場、合和中心同埋區內其他著名建築物都盡入眼簾。　

係姻緣石附近都有另一個值得一去既地方，司徒拔道觀景臺。司徒拔道觀景臺係觀賞灣仔區、維多利亞海港同九龍半島景色既最佳位置，遊客可以係呢庋一覽無遺欣賞令人讚嘆既景色。登臨於此，可以暫時放低喧鬧既城市生活節奏，以恬靜既心情遙望山下既全景，頓時會令人清新舒暢，精神為之一振。以呢兩個絕佳既景點黎完結香港之旅十分完美。