Merry Christmas

Merry Christmas Every One
Joy to the world :-)

Day5 in Macau

差唔多接近旅程既尾聲，當然要去一Ｄ會留低深刻印象既地方。澳門旅遊塔，係一座位於澳門南灣新填海區同珠江口既一個集合觀光、會展及娛樂設施於一身既建築物，是當地的著名地標之一。塔身最高處有338米，觀光主層離地面223米高，係塔入面最高既觀光層遠眺四周，可飽覽55公里以內既風景。

無論係晨光下飽覽珠海對岸景緻，又或者係夜晚府瞰璀璨既醉人美景，澳門旅遊塔會展娛樂中心都係最佳既選擇。建築物既58樓係室內觀光既主層，能夠俯瞰澳門全景、中國珠海市的橫琴島、珠江三角洲同香港部分離島島嶼，呢層既特色之處係設有玻璃地板，可以企係玻璃地板上看到地面既景物。59樓設有酒廊、咖啡廳。

而60樓就係360度旋轉餐廳，名為「360° 旋轉餐廳（360° Cafe）」。觀光樓層最高一層既61樓係室外觀光廊，可以遠望55 km (180,446 ft)以內的景色，亦都設有笨豬跳、高飛跳、空中漫步同百步登天四個室外冒險活動。

Day4 in Macau

黎到澳門半島呢邊，一定會去冇人唔知道既大三巴牌坊啦。大三巴牌坊係澳門既標誌性建築物之一，同時都係「澳門八景」之一，2005年同澳門歷史城區既其他文物成為聯合國世界文化遺產。咁就等我介紹少少歷史先啦，大三巴牌坊係澳門天主之母教堂正面前壁既遺址，係1595年同1601年先後兩次失火焚毀，而1835年1月26日黃昏，教堂再次起火，最後剩下教堂的前壁，就變成左宜家非常有名既大三巴牌坊。

牌坊既背部安裝左鐵架樓梯，比遊人參觀。大三巴牌坊建築屬於矯飾主義風格，糅合左歐洲文藝復興時期同東方建築風格。前壁用麻石砌成。由於大三巴牌坊係澳門既地標性建築之一，所以政府會定期對牌坊進行檢查同修復。最近一次修復工作果時，為左確保遊客睇到大三巴牌坊，當局仿傚歐洲既做法，設計了一幅大型帆布懸掛係工程排柵既最底層，帆布上面印有大三巴牌坊底層既真實圖案，方便遊客拍照。

牌坊附近亦有一個好出名既景點－大炮台，位於澳門既古老炮台，係中國現存最古老既西式炮台建築群之一。果度曾經係軍事防禦設施既重心，宜家成為左澳門歷史城區一部份，為澳門旅遊景點之一。

Day3 in Macau

係氹仔係最後一日，我地安排左成日既行程係新濠天地，我地會睇水舞間同入賭場搏下運氣。首先，水舞間係耗資2.5億美元的大型水上匯演，由靈感創作大師佛朗哥．德拉戈（Franco Dragone）親自執導，創作靈感係源自於中國儒家思想既「七情」之說，用特技、舞蹈等既表現方法配合水為主題，將東方智慧既意象發揮得淋漓盡致。

「水舞間」成為左遊澳門必睇既節目之一，深受遊客歡迎。劇院設有多項既頂尖科技器材，可以容納到2,000名觀眾。當中舞台泳池既容量高達370萬加侖，相等於5個奧林匹克標準泳池既容量。「水舞間」將高難度特技表演，配上絢爛炫目的服裝及匠心獨運的空間設計，為觀眾演繹出一個穿越時空既浪漫傳奇。

而新濠天地入面既新世代娛樂場面積大約係420,000平方呎，由新濠博亞娛樂有限公司負責管理。設計比較大眾化，適合大部份既客人。Hard Rock娛樂場位於新世代娛樂場既一樓，娛樂場內外都擺放左超過200件珍貴既Hard Rock珍藏品，場內設計較年輕化，主要係吸納年輕一代既顧客，成個娛樂場設有550張賭桌同1,350台角子機，岩晒我同朋友入去搏殺。

Day2 in Macau

經過奢華既一日，係時候食下美食逛下街啦，氹仔最有名既相信就係氹仔官也街啦。官也街前面有一個市集，為左推動氹仔區既旅遊發展，民政總署每年係氹仔舊城區舉辦氹仔市集，一共設有30個售賣貨物精品既攤位。同時，為左豐富市集色彩同埋加強凝聚力，市集每日都設有文娛表演節目例如：魔術、懷舊金曲、舞蹈等。

官也街（Rua do Cunha）位處於澳門氹仔既市中心地帶，是澳門新興的著名景點之一。係氹仔舊城區，有唔少餅店歷代經營以售賣傳統糕點馳名。走入官也街餅店飄溢既新鮮出爐餅香十分吸引。

本地好多餅店出售各式美味既糖果同糕餅，旅客都好鐘意將呢Ｄ地道澳門風味產品帶番屋企做手信。最有特色的糕點是「葡式蛋撻」，大部分既咖啡店同餅店都有賣。係舊城區品嚐占占出爐的既蛋撻，別有一番風味。我都係果度買左好多手信呀。

Day1 in Macau

岩岩去到香港當然要去埋澳門啦，今年我地決定係澳門過聖誕節，好興奮呀。我地首3日會留係氹仔，之後果2日就會留係路環。我地會參觀係澳門最新一間既酒店澳門銀河（Galaxy Macau），銀河酒店係2011年5月正式落成同埋對外開幕，成個渡假村以東南亞既建築特色，而且宮殿式既設計更加注入左好濃厚既熱帶風情。

銀河酒店為旅客提供左1,500間現代風格既客房，當中包括150間套房。客房室內設計同浴室用品既設計由香港名師陳幼堅負責。酒店設有自助餐廳Festival(群芳)，提供多國既自助餐美食。

另外一間好出名既酒店都係座落係氹仔 － 澳門威尼斯人渡假村酒店（The Venetian Macao-Resort-Hotel）。酒店佔地1050萬平方呎，係亞洲最大既單幢式酒店同埋全球第二大既建築物，為澳門最大型既酒店項目。

酒店係2008年2月正式落成同埋對外開幕，度假村酒店既建築特式依照美國拉斯維加斯既威尼斯人酒店。酒店以威尼斯水鄉為主題，酒店入面充滿威尼斯特色拱橋、小運河及石板路。

單單係參觀呢兩間酒店已經要用上一日，入面既設計設施實在令人嘆為觀止，太壯觀啦。

Day4 in Hong Kong

到左旅程既最後一日，好唔捨得香港既美食同夜景，真係畢生難忘。黎到最後一日我同同伴都決定離開所有商舖離開繁盛既市中心，去山上睇風景拜姻緣石，當然要介紹一下啦。姻緣石屹立係肇輝臺附近既一段寶雲道既山坡上面，佢既形狀好似一枝斜插左係石座上面既石筆。相傳呢座外型獨特既姻緣石，成功為眾多既善男信女締結美滿既姻緣。

祈求天賜良緣既男女，每逢農曆初６、１６同２６都會黎到姻緣石，焚燒香燭，誠心參拜。另外，相傳善信如果用繩將酒瓶掛係姻緣石旁邊既一棵樹上面，所祈求既願望就會實現。係果度有好多海外遊客，千里迢迢慕名而來觀賞姻緣石。佢們係參拜之餘，又可俯瞰山下面既美景。灣仔全區、跑馬地馬場、中環廣場、合和中心同埋區內其他著名建築物都盡入眼簾。　

係姻緣石附近都有另一個值得一去既地方，司徒拔道觀景臺。司徒拔道觀景臺係觀賞灣仔區、維多利亞海港同九龍半島景色既最佳位置，遊客可以係呢庋一覽無遺欣賞令人讚嘆既景色。登臨於此，可以暫時放低喧鬧既城市生活節奏，以恬靜既心情遙望山下既全景，頓時會令人清新舒暢，精神為之一振。以呢兩個絕佳既景點黎完結香港之旅十分完美。　

Day3 in Hong Kong

今日好開心，去左銅鑼灣好多大街小巷高級商店shopping。銅鑼灣係潮流人士既集中地，所以有好多好有名既商舖，例如：Forever21, H&M, 6IXTY 8IGHT......我同朋友都買左好多衫。而今日既重頭戲就係係夜晚，因為我地會去 － 跑馬地馬場。我就簡單介紹一下跑馬地馬場啦，跑馬地馬場係１８４０年代中期興建，係香港最古老、最著名既建築物之一。賽馬活動係係１８４５年開始，當時只是一Ｄ社會名流既消閒娛樂，但到宜家賽馬已經成為左香港市民生活既一部分啦。

跑馬地馬場每年都會舉辦唔同既精彩賽事，吸引左好多好似我咁既遊客同市民黎觀賞。最初，每場只係有數匹既馬參賽，但當跑馬地馬場係１９９５年重建左之後，跑道擴闊左，每場可以容納到１４匹馬出賽，令到賽事更加緊張刺激。

跑馬地馬場係好值得一遊既地方。係晚間觀看賽事，夜幕低垂，馬場係泛光燈照耀之下，景色格外迷人。而且隔離既香港賽馬博物館，可以了解更加多有趣既賽馬歷史和埋軼事。

Day2 in Hong Kong

係香港過左一日，好期待今日既旅程。今朝一早起身去左灣仔既重心，金紫荊廣場。等我講下少少歷史先。1997年7月1號，呢日係香港回歸祖國重要既一天，而呢日既焦點所在就係舉行政權交接儀式既香港會議展覽中心。1997年6月30號夜晚，中國國家主席江澤民先生聯同一眾既中國主要官員代表，同埋英國查爾斯王子，一齊出席左香港政權交接儀式，見證住香港回歸中華人民共和國。

展覽中心外面既金紫荊廣場，起左一座命名為「永遠盛開的紫荊花」既大型雕塑，係中央人民政府贈予香港特別行政區政府既回歸紀念賀禮。雕塑附近又有一座「香港回歸祖國紀念碑」，柱身正面刻有前中國國家主席江澤民先生親題既碑名，有唔少旅客專程黎到呢度遊覽。

舉行儀式既香港會議展覽中心，係維多利亞港其中一座最矚目既建築，佢既外形好似一隻飛緊既雀展翅翱翔，而且大型既落地玻璃都展現住都會既時代感。

1997年7月1跑，中華人民共和國香港特別行政區正式成立。果日寓早8:30金紫荊廣場上舉行左國旗同區旗既升旗典禮。自此之後，每日既朝早8:00，廣場都會有莊嚴肅穆既升旗儀式舉行，吸引左不少旅客同市民觀看。我就係其中一個比個升旗儀式吸收而早起既旅客啦，升旗儀式真係好嚴肅，奏起國歌既時候全場既人停晒手，尊敬呢首中國國歌。

Day1 in Hong Kong

我同朋友黎香港玩4日，聽ｄ去過香港既朋友話灣仔區係潮流集中地，所以我地決定以灣仔區為主打。岩岩黎到香港已經感覺到急促既步伐，真係不愧為國際城市。第一日我地去灣仔區既銅鑼灣，我地住係尖沙咀既ＹＭＣＡ，所以最方便就係搭地鐵。

銅鑼灣既Ｆ出口一出就係渣甸坊，呢個係一個露天市場，入面有好多小攤檔。有賣中國特色既衫、飾物、小精品等等，係一個可以簡到手信既好地方，我地係果度都買左好多好平既衫同精品。

銅鑼灣既Ａ出口一出就係銅鑼灣既標誌 - 時代廣場 TIMES SQUARE 。時代廣場係著名既購物同娛樂中心，呢座大型廣場有兩幢商業大樓，一幢46層另一層39層。廣場入面好大，有好多間鋪頭、食肆同埋娛樂場所。時代廣場既正門入口有一個大型既電子LED螢幕，會播放最新既新聞消息同埋天氣報告。

外面既露天廣場係比行人休憩既地方，亦都係舉辦大型活動既熱門地方。咁岩宜家就黎聖誕節，外面有好多聖誕裝飾黎慶祝聖誕節，好多人都黎到呢到影相。每年既除夕都會係露天廣場舉行的「蘋果倒數」，數以萬計既市民都會黎到呢到一齊慶祝新一年既來臨。

　　　　　　

　　

我地第一日就係銅鑼灣度過，係呢個國際都市入面到處都充滿色彩，好期待第二日既來臨。